Ish-deputetja e PD-së, Grida Duma ka komentuar vendimin e Rudina Hajdarit për të mos djegur mandatin, ndryshe nga vendimi i Partisë Demokratike.
Për Dumën vendimet si ai i djegies së mandateve apo aksionet politike i vendosin forumet politike dhe ky vendim duhet të zbatohet nga të gjithë anëtarët e saj.
“Vendimi i takon forumeve, dhe kur forumet vendosin një gjë për njërin, ajo duhet të zbatohet për të tjerët, kështu funksionon në një organizatë”, shprehet Duma për A2CNN.
Por për rastin e Hajdarit, ish-deputetja lë një mundësi për rikthimin. “Kush është figurë politike me trashëgimi politike di të tregojë veten. Politika ka uljet e ngritjet e veta dhe që historia njeh rikthimet”, ka thënë Duma.
Demokratja ka komentuar me një batutë edhe kritikën e aleatit Dashamir Shehi, që e cilësoi si “stalinizëm” përjashtimin e “rebelëve” të opozitës në Parlament. “Dashi mund ta aplikojë këtë në partinë e tij…”, thotë Grida, duke buzëqeshur.
