Angazhimi i kreut të qeverisë në festimet për Ditën e Verës në qytetin e Elbasanit, është kthyer në ironinë e ditës për mënyrën se si pritet kryeministri kohët e fundit në takimet me popullin, ndërkohë që vëmendjen e ka marrë slogani i opozitës.
Karikaturisti i mirënjohur, Bujar Kapexhiu, me rastin e Ditës së Verës në një nga punimet e tij të radhës, ka pasqyruar dilemën e madhe të Edi Ramës në këtë situatë që gjendet vendi, pasi opozita ka dalë nga parlamenti dhe është bashkuar me qytetarët në protesta.
Rama ik!
Mesazhi i këtij punimi është i qartë; populli nuk i ka lënë asnjë rrugë tjetër këtij kryeministri, përveçse ikjes nga qeveria dhe politika pas një sundimi gati 6 vjeçar jo vetëm zhgënjyes, por edhe korruptivo-kriminal.
