Gjashtë ditë pas aksidentit të ndodhur në Maliq të Korçës, ka ndërruar jetë 54-vjeçarja Engjëllushe Demollari.
Dy automjete u përplasën në rreth-rrotullimin e Libonikut. 54-vjeçarja mbeti e plagosur dhe u dërgua me urgjencë drejt spitalit të Tiranës, por nuk mundi tu mbijetojë lëndimeve të marra.
Viktima ndodhej në të njëjtën makinë me pjesëtarë të familjes, që u përplas me një tjetër automjet që drejtohej nga një 25-vjeçar.
“Më datë 08.03.2019, në aksin rrugor Korçë-Maliq, pranë vendit të quajtur ‘Kryqëzimi i Libonikut’, janë përfshirë në aksident mjeti tip ‘Benz’ me drejtues shtetasin B.D., 56 vjeç, banues në Libonik dhe një mjet tjetër tip ‘Benz’ me drejtues shtetasin D.M., 25 vjeç, banues në Pogradec. Për pasojë janë dëmtuar shtetaset G.D, rreth 65 vjeçe dhe E.D, rreth 54 vjeçe, banuese në Libonik, pasagjere në mjetin me drejtues shtetasin B.D, të cilat ndodhen në Spitalin e Korçës, jashtë rrezikut për jetën. Grupi hetimor po punon për zbardhjen e rrethanave të ngjarjes”, thuhej në njoftimin paraprak të policisë, ditën e aksidentit. /BN/
