Nimet Musaj, është një tjetër kandidat i përfshirë në listat e kandidatëve të LSI-së, që pritet të marrë mandatin e deputetit.
Musaj, kandidat në qarkun e Fierit, në zgjedhjet parlamentare të 25 qershorit, mund të zëvendësojë Petrit Vasilin, i cili kryesonte listën e kandidatëve të partisë së tij në këtë qark.
Sikundër është raportuar Musaj ka dorëzuar në KQZ, formularin e dekriminalizimit, ccka do të thotë se ka nisur proccedurën për marrjen e mandatit të deputetit.
Referuar CV zyrtare të kandidatit që renditej i 4-ti në qarkun e Fierit, ai e ka nisur karrierën politike si këshilltar i PDIU, ose e njohur ndryshe partia e çamëve, ndërsa më pas ka kaluar në rradhët e LSI-së. Gjithashtu ai ka qenë aksioner në biznesin e lojrave të fatit, të paktën deri në vitet 2000.
Sot Edi Rama në takimet e tij i trajton protestat e opozitës si lëvizje të grupit të establishmentit dhe herë pas here thotë se ato mbështeten edhe nga ata që kanë pasur lidhje me lojrat e fatit, të cilat prej 1 janarit 2019, nuk lejohet të operojnë më.
