Gjate ditës së sotme, sic edhe ishte paralajmëruar , kryeministri i Maqedonisë Veriore është pritur në një takim në ambjentet e Kryeministrisë nga homologu i tij shqiptar, Edi Rama.
Pas takimit dypalësh, është mbajtur edhe një konferencë e përbashkët për shtyp në të cilën të dyja palët kanë theksuar rëndësinë e bashkëpunimit dhe dialogut mes vendeve të Ballkanit në përgjithësi, por edhe marrëdhënies mes Shqipërisë dhe Maqedonisë në vecanti.
Por, teksa kryeministri Zoran Zaev mbante fjalën e tij përshëndetës, kreu i qeverisë Rama, duket se ‘fluturonte mbi re’. Ai nuk e kishte mendjen fare tek fjalimi i të ftuarit, madje nisi të kruajë thonjtë si të ishte në një sallon bukurie.
