Pep Guardiola është pyetur për ndeshjen e sotme mes Bayern Munich dhe Liverpool. Trajneri spanjoll ka thënë publikisht se është tifoz i skuadrës gjermane.
Por, Pep i ka bërë me dije bavarezëve se është shumë e vështirë ta eliminosh një skuadër si Liverpooli.
“Më vjen keq për popullin anglez, por sot jam me Bayernin. Unë jam tifoz i madh i këtij klubi, e dua Mynihun dhe të gjithë njerëzit atje. Dua ta kalojë tutje Bayern, por do të jetë tejet e vështirë. Është shumë e vështirë ta kalosh një pengesë të quajtur Liverpool”, ka thënë Guardiola.
