Një aksident tragjik me dy viktima ka ndodhur në aksin Shkodër-Koplik këtë të mërkurë.
Burime nga policia lokale thanë se vjehrrë e nuse, të cilat ishin duke ecur, janë përplasur nga një makinë. Impakti rezultoi fatal për 58-vjeçaren Hasije Bajrakurtaj, e cila humbi jetën në vend.
Ndërsa nusja e djalit të saj, që mësohet se është shtatzënë, Esmeralda Bajrakurtaj, 18 vjeçe, u plagos rëndë. Ajo është dërguar në spital për të marrë ndihmë mjekësore, por ndërroi jetë disa orë më vonë.
Policia ka shkuar në vendngjarje dhe ka shoqëruar drejtuesin e mjetit.
“Më datë 13.03.2019, ora 14.05, në aksin rrugorë Shkodër-Koplik, në vendin e quajtur ‘5 Heronjt’, lagje Dobraç, Shkodër, mjeti me drejtues shtetasin S. D. banues në Boriç i Vogël Malësi e Madhe, ka aksidentuar dy këmbësore. Shtetasja H. B. 58 vjeçe, banuese në Shkodër, e cila ka ndërruar jetë në Spitalin Rajonal Shkodër dhe E. B. 18 vjeçe, ndodhet nën kujdesin e mjekëve (nderroi jete me pas). Drejtuesi mjetit është shoqëruar në ambjentet e D. V. P Shkodër për veprime të mëtejshme Po kryhen veprimet me Grup Hetimor për sqarimin e rrethanave të aksidentit”, njoftoi Policia pas aksidentit. /BN/
