Kreu i Partisë Demokratike në Shqipëri ka akuzuar Parlametin Europian se është duke u treguar më shumë sec duhet i butë lidhur me situatën politike në vend, e gjitha për ‘hir të stabilitetit’
Në një intervistë telefonike me EUROACTIC.COM, Basha u shpreh se ‘Brukseli ka zgjedhur të tregohet më harmonik dhe tolerant duke u fokusuar më së shumti në cështje teknike dhe harmonizimin e situatës, për h ir të stabilitetit politik në Shqipëri. Por, po harron të shikojë realitetin në sy duke shkeluar kështu edhe rregullat e demokracisë. Kjo tolerancë është keqkuptuar dhe keqpërdurur nga liderët e Ballkanit, të cilët i kanë cuar vendet e tyre në kolaps ekonomik, politik dhe social përmes krimit të organizuar dhe korrupsionit”.
Politikani i të djathtës qëndrore (Partia Popullore Evropiane-PPE) tha se reformat gjyqësore të paraqitura nga qeveria socialiste në pushtet të dirigjuara edhe nga Edi Rama nuk kanë ndryshuar asgjë, duke marrë parasysh mosndëshkimin e vazhdueshëm të politikanëve dhe ‘bosëve të krimit të organizuar’.
“Për kohë të gjatë në vend funksionon një drejtësi me dt standarte: një për njerëzit normalë dhe një për të fuqishmit”, tha Basha për Shqipërinë.
“Jemi vendi i vetëm në botë që për më shumë se një vit e kemi pasur të vdekur dhe jashtë cdo funksioni Gjykatën Kushtetuese. Dhe praktikisht në Shqipëri ende nuk ka një sistem drejtësi të konsoliduar,’ ka shtuar Basha.
Nga ana tjetër, partia më e madhe opozitare e drejtuar nga Lulzim Basha ka mbajtur një sërë protestash kundër kreut të qeverisë Edi Ramës dhe kërkoi dorëheqjen e tij. Opozita gjithashtu ka bojkotuar edhe seancat parlamentare të Shqipërisë, por kjo kohët e fundit u kritikua nga ekzekutivi i BE. /Boldnews.al/
