Një aksident i rëndë rrugor është regjistruar në aksin Fushë Krujë -Tiranë, ku si pasojë kanë mbetur të plagosur dy të rinj.
Ngjarja u regjistrua rreth orës 18:00 në Kamerras, ku shtetasi F.V, 25 vjeç, duke drejtuar automjetin e tij, ka humbur kontrollin dhe për pasojë është aksidentuar vetë dhe pasagjeri që udhëtonte me të, shtetasi A.Ç, 19 vjeç.
Dy të plagosurit janë transportuar menjëherë në Spitalin e Traumës në Tiranë dhe ndodhen nën kujdesin e mjekëve.
Grupi Hetimor ndodhet në vendngjarje dhe po punon për përcaktimin e shkakut të aksidentit.
