Një rezultat surprizë na vjen nga ndeshjet e para çerekfinale të Kupës së Shqipërisë. Luftëtari ka mposhtur me rezultatin 1-2 Partizanin në “Elbasan Arena”.
Telushi shënoi një gol mjaft të bukur në pjesën e parë, por bluzinjtë nuk u dorëzuan dhe fillimisht barazuan me Filin. Në fund ishte Rustem Hoxha ai që shënoi edhe golin e dytë. Dominimi i Partizanit ishte i pavlefshëm dhe kualifikimi në gjysmëfinale me këtë rezultatet sigurisht që vështirësohet shumë.
Me këtë triumf, Luftëtari ka hedhur një hap të rëndësishëm drejt fazës gjysmëfinale, gjithsesi gjithçka do të vendoset në sfidën e kthimit.
KUPA E SHQIPËRISË – FAZA ÇEREKFINALE
E martë, më 12 mars, ora 14:00
Stadiumi “Elbasan Arena”, Elbasan
PARTIZANI-LUFTËTARI 1-2
Shënues: Telushi 42′ / Fili 54′, Hoxha 90′
VIDEO GOLAT:
42′ – Bruno Telushi, me një goditje në hyrje të zonës mposhti portierin Bakaj.,. Topi shkon në shtyllë dhe më pas në rrjetë.
54′ – Barazon Luftëtari me anë të Filit. Një goditje dënimi për bluzinjtë, skemë e tyre. Rustem Hoxha me kokë ul topin për Filin, i cili realizon.
90′ – Rustem Hoxha shënon për Luftëtarin. Një minutë më parë Belica ndali një top nga vija fatale, pasi Dunga kaloi portierin Hoxha.
