Nëse çiftet do të mund të zgjidhnin gjininë e fëmijës, atëherë shumica do të preferonin të kenë djalë, kjo sipas anketës së kryer së fundmi nga organizata Gallup.
Ka shumë biseda rreth balansimit të gjinisë në familje dhe është shumë e qartë dëshira për një gjini specifike tek prindërit të cilët presin fëmijën e tyre të dytë apo të tretë.
Egzistojnë shumë thashetheme të cilat i ndajnë nënat mes vete, që nga ushqimi i llojit të caktuar, të paturit e pozicioneve të ndryshme seksuale, gjer tek vizita në klinika fertiliteti.
Shumë nëna pohojnë që nuk ka asgjë të dëmshme të provosh!
- Kalendari i ovulimit dhe koha për seks
Gjeni se kur keni të ngjarë të ovuloni – dhe për të rritur shanset tuaja të konceptimit.
Ju jeni më fertile, dy – tre ditë para se të ovuloni gjatë ditës së ovulacionit. Nëse e dini se kur do të ovuloni, ju mund të keni seks në përputhje me rrethanat dhe mund të rrisni mundësitë për të mbetur shtatzënë (apo të parandaloni shtatzënësinë, mvarësisht se çfarë po dëshironi të bëni).
Dëshironi që këtë ta bëjë bebaime.com për ju? Provoni Kalkulatorin e Ovulimit. Kalkulatori i Ovulimit do të ju tregojë se kur keni të ngjarë të ovuloni dhe kur do të jetë data e caktuar nëse konceptoni.
Le të themi që cikli juaj menstrual është 28 ditë në muaj, 21 ditë në muajin pas, dhe 32 ditë në muajin e ardhshëm. Mbani një shënim të cikleve tuaja menstruale për disa muaj. Pastaj hiqni 17 nga cikli juaj më i shkurtër dhe 11 nga cikli juaj më i gjatë. Ditët në mes të këtyre të dy datave, janë me gjasë ditët tuaja fertile. Nëse ciklet tuaja menstruale janë të çrregullta dhe janë 35 ditë larg apo më gjatë, ju duhet të kontaktoni specialistin e fertilitetit për të kontrolluar shkaqet e ciklit të çrregullt.
- Kalendari kinez i përcaktimit të gjinisë
Shermin L. e cila tashmë ka një djalë, po planifikon që shtatzëninë e rradhës të ketë vajzë dhe është duke kalkuluar datën e kërkuar për të konceptuar me kalendarin kinez të përcaktimit të gjinisë, për të cilin ka dëgjuar, që është mjaft efektiv për të seleksionuar preferencën e gjinisë së bebit.
Përderisa këta kalkulatorë thuhet se janë “vetëm për argëtim”, ata kanë funksionuar në disa nga nënat.
- Për djem: banana, tranguj… dhe mëngjes
Nënat me perspektivë që dëshirojnë djem duhet të hanë fruta dhe perime të gjata siç janë bananet dhe trangujt, thotë Yoon F dhe Melany V. dhe poashtu insistojnë që të mos kaloni shujtën më të rëndësishme kyçe: “Mëngjesin”.
- Për vajza: më shumë kalcium, më pak kripë
Koni D. dëshironte që pas dy djemsh të kishte një vajzë. Kur ajo po provonte të konceptonte, asaj iu sugjerua të përdorë më pak kripë, në mënyrë që të rris mundësitë e saj, dhe kjo funksionoi. “Unë përdora suplemente kalciumi dhe magnezi dhe provova të zvogëloj konsumimin e kripës (këto sugjerohen për të konceptuar gjininë vajzë).”
- Për vajza: spermë e freskët
Nëse që të dy dëshironi vajzë, përfshini edhe partnerin tuaj në planifikim. Ema M. e cila kishte tre djem, përfundimisht lindi një vajzë duke përdorur teknikën e cila sugjeron marrëdhënie seksuale frekuentive në mëngjes me pozitën e mashkullit mbi femrën. Ajo shton se, “sperma e mashkullit duhet të jetë e freskët, të vishet me brekë të gjëra si dhe të bëjë një dush të ngrohtë”.
- Për djem: Përjetoni orgazëm
“Gratë duhet të përjetojnë orgazëm kur provojnë të mbesin shtatzënë mbi gjininë djalë, dhe preferohet po e njëjta edhe për partnerin e tyre”, këshillon Agnesa V.
Nëse të gjitha këto dështojnë, provoni një klinikë fertiliteti
E vetmja mënyrë për të seleksionuar gjininë e dëshiruar është një klinikë fertiliteti. Egzistojnë klinika fertiliteti të cilat bëjnë ndarjen e spermës femërore dhe asaj mashkullore. Kjo është e vetmja mënyrë, as tabletat, as numërimi i ditëve e as pozita gjatë marrëdhënieve seksuale.
Kjo procedurë është e kushtueshme. Në mënyrë bazike, bëhet ndarja e kromozomeve X dhe Y dhe ju do kaloni përmes inseminit artificial për të zgjedhur gjininë e dëshiruar. Megjithatë, nuk garantohet nëse ju do mbeteni shtatzënë, dhe nëse këtu dështoni kjo nënkupton që duhet të provoni përsëri… dhe natyrisht kjo kushton!
