Vlonjati Ardit Hoxhaj u kthye në një çështje pas merkatos së Janarit pasi u aktivizua me Skënderbeun dhe më pas u transferua tek Luftëtari por që nuk luajti asnjë minutë pasi një gjë të tillë nuk e lejonte FSHF-ja për shkak të aktivizimit me korçarët edhe pse një ndeshje pas merkatos dimërore.
Tashmë duket se ka gjetur zgjidhje dhe është transferuar në Kosovë. Hoxhaj ka vendosur që të kalojë pjesën e mbetur të sezonit në kampionatin kosovar, ku ka nënshkruar për skuadrën e Ferizaj. Klubi nga IPKO Superliga ka zyrtarizuar afrimin e 24-vjeçarit me anë të një postimi në faqen e tyre zyrtare në Facebook.
