Zinedine Zidane është rikthyer tek ekipi spanjoll i Real Madrid dhe do të jetë trajneri i ri pas shkarkimit të Santiago Solarit.
Francezi ka nënshkruar kontratën e re deri ë 30 dhjetor 2022.
Lajmin e ka bërë të ditur vetë ekipi madrilen ku njoftoi për ndërprerjen e bashkëpunimit me Solarin dhe rikthimin e Zizu-së në stol.
Kjo është deklarata e lëshuar nga Madridi:
“Bordi i drejtorëve të Real Madridit, pas një takimi të hënën, 11 mars 2019, ka vendosur të ndërpresë kontratën që lidhte Santiago Solari me klubin si trajner i ekipit të parë dhe në të njëjtën kohë, Real Madrid i ka ofruar që të vazhdojë të jetë pjesë në klubi.
Real Madrid e vlerëson punën e bërë nga Santiago Solari përkushtimin dhe besnikërinë dhe gjithmonë kjo është shtëpia e tij.
Bordi ka rënë dakord edhe për emërimin e Zinedine Zidane si trajner i ri i Real Madridit me inkorporimin e menjëhershëm për pjesën e mbetur të sezonit dhe tre të ardhshëm, deri më 30 qershor 2022.
Presidenti i Real Madridit do të jetë sot së bashku me Zinedine Zidane para mediave në 20:00 në dhomën e shtypit në stadiumin Santiago Bernabeu. ”
Kjo do të jetë faza e tretë e Zidane në Real Madrid, ku si një lojtar, asistent trajner (Ancelotti) dhe trajneri ka ngritur pesë Champions. Ai do të jetë në krye të skuadrës këtë të martën në Valdebebas dhe do të jetë përgjegjës për 11 ndeshjet e mbetura të Ligës.
