Pas Ali Soue, një tjetër ish-sulmues i Skënderbeut ka realizuar dopietë duke u shndërruar në një protagonist absolut. Bëhet fjalë për nigerianin Xhejms Adenij, i cili tundi 2 herë rrjetën në sfidën ndaj Sabilit që u fitua nga skuadra e Gabalës me rezultatin 2-1.
Në minutën e 49-të, pas një aksioni fantastik, Xhejms, goditi bukur nga brenda zonës, duke kaluar skuadrën në avantazh. 6 minuta më vonë, ishtë përsëri nigeriani, i cili dyfishoi rezultatin, duke i siguruar skuadrës së Gabalës një trepikësh të artë. Miqtë provuan të hapnin takimin me Junuzaden, por vetëm kaq.
Me fitoren e sotme, kuqezinjtë u ngjitën në kuotën e 28 pikëve, 3 më pak se Sabil që mban vendin e tretë. Mesfushori i Kombëtares, Sabjen Lilaj, nuk u preferua në formacionin titullar në sfidën e sotme. Korçari u hodh në fushën e lojës në pjesën e dytë, duke bërë një paraqitje të kënaqshme./Panorama/
