Një shtëpi po rrezikon të shembet pranë shkollës “Petro Nini”, në Tiranë. Me vendim gjykate kjo banesë do të shembet për ti hapur rrugë ndërtimit të një pallati.
Banorët e pallatit që do të shembet për disa orë u përplasën me policinë. Mes tyre me kolegët e sajë që u treguan të pamëshirshëm dhe nuk e kursyen aspak ishte dhe një efektive policie.
Gruaja në foto është efektive e Policisë së Shtetit.
Ajo ka treguar se vendimi i gjykatës është i korruptuar nga biznesmeni që pretendon pronësinë e truallit.
“Në vendin tonë çdo gjë është e korruptuar. Ky është realiteti në Shqipërinë tonë, po na persekutojnë për së gjalli. Ky është një vend i lakmueshëm për ndërtuesit, por duhet të zbatojë vetëm kontratën. Ato metra ai nuk do na i japin sepse këtu thotë do vijnë persona VIP, ne jemi një popull i thjeshtë. Të gjithë anëtarët e familjes mbahen me rrogën time. Shteti le t’i japë zgjidhje. Aleksandër Gavoci nuk është burrë, nuk është biznesmen i ndershëm. I ka korruptuar të gjithë me gjyqtarë e prokurorë”, shprehet policja.
