Propaganda e ‘Rilindjes’ është bërë aq e frikshme sa do ta kishte zili edhe vetë shefi i propagandës hitleriane, Goebbels.
Edhe pse të gjithë shqiptarët e panë sot me zë e figurë se si policia dhunoi gratë dhe fëmijët tek ‘Petro Nini’ duke i trajtuar si kriminelë, Rilindja nxitoi të shpallë hero Ministrin e brendshëm Sandër Lleshaj, për masat e menjëhershme të marra prej tij, i cili kishte shkarkuar një javë para se të ndodhte kjo ngjarje e tmerrshme, kreun e Drejtorisë së Policisë së Tiranës, Kastriot Skënderajn.
Fillimisht ishte vetë kreu i qeverisë, Edi Rama, i cili nxitoi të duartrokasë ministrin Lleshaj për masën e rëndë ndaj ish-drejtorit Skënderaj, i cili sipas tyre kishte shkelur detyrën dhe nuk kishte qenë në lartësinë e sotme.
Por kjo gënjeshtër e Lleshit fillimisht dhe më pas e gjithë makinerisë së Rilindjes, doli zbuluar, pasi prej një jave në media flitej se një nga drejtorët që pritej të lirohej nga detyra ishte kreu i Policisë së Tiranës, Kastriot Skënderaj.
Por fitorja e Sandrit me ‘Mullinjtë e erës’, mori jehonë edhe më të gjerë, kur vetë Elisa Spiropali me anë të një videomesazhi, doli dhe foli për këtë heroizëm të Ministrit të Brendshëm.
Në këtë video-mesazh, Spiropali shprehet e indinjuar për sjelljen e policisë, dhe më pas tregon se si vetë ajo kishte hetuar mbi ngjarjen.
Por në fund të hetimeve të Spiropalit, del se fajtorët e vërtetë ishin fëmijët dhe gratë, pasi policia po zbatonte ligjin.
Për Spiropalin po aq fajtore ishte dhe vetë media, e cila nuk e pasqyroi siç duhet luftën e Gjeneral Lleshit me ‘Mullinjtë e Erës’, pasi vetë ministri vetëm me mullinjtë i ka mbetur të luftojë, sepse me kriminelët po luftojnë vetë qytetarët. /Boldnews.
Ja çfarë deklaronte sot Spiropali:
Sot i pashe edhe une pamjet e ofruara nga ekranet e lajmeve ne kohe reale tek rruga e shkollës ‘Petro Nini Luaras’i. Edhe une u indinjova e madje revoltova duke i ndjekur ato skena dhe duke degjuar e lexuar tere mynxyrat me radhe. Sikur te mos mjaftonin lajmet e rreme nga terreni qe i mvisheshin pamjeve, qe nga IKMT qe do prishte shtepine e deri tek pallati qe do ndertohej mbi trupat e familjareve, ishte edhe tere ai grup policesh qe s’bente asgjë përveçse shtonte ankthin e skenës. Duke perfituar nga mundesia qe me jep detyra, fillova te mbledh informacion mbi ate vendngjarje dhe sa me shume mesoja rreth te vertetes, aq me shume tromaksesha nga genjeshtrat qe vijonin t’u jepeshin live teleshikuesve e portalqemtuesve. Mesova se IKMT as ishte aty e as kishte ne plan te shfaqej gjekundi, pasi nuk behej fjale per nje shtepi qe duhej prishur, po per ekzekutim të një vendimi gjyqësor të formës së prerë për lirim banese. Mesova se Bashkia e Tiranes as kishte dhene ndonje leje per te ndertuar mbi truallin e baneses dhe as kishte miratuar akoma ndonje plan te zones ku gjendet banesa. Mesova se policine nuk e kishte cuar aty kerkesa e ndonjë ndërtuesi, po kerkesa e permbarimit per te zbatuar nje vendimin e gjykates- ndaj te cilit policia ka detyrimin ligjor te pergjigjet. Mesova se bashkia u ka ofruar atyre nje zgjidhje te cilen e kane refuzuar dhe qe ne fakt, tekefundit e tera eshte nje histori konflikti mbi nje prone mes dy paleve, ku as qeveria e as pushteti vendor nuk hyjne asgjekundi. Te tera këto i mesova, fale mundësisë per te marre informacion, si ministre, po nderkohe qe une i mora keto informacione, kanalet e televizioneve dhe mediave online vijuan kerdine e tyre, duke dizinformuar ne rastin me te keq dhe keqinformuar ne rastin me te mire.Ministri i brendshem, duke treguar edhe njehere integritetin e tij te larte qytetar e profesional, kritikoi policine per menyren se si u qas ne ate situate ku as nderhyri, as u largua, po thjesht qendroi aty amorfe, pa mundur t’i shpetoi shigjetimit nga te kater anet. Une vete s’di te them se sa te drejte ka pasur gjykata ne ate vendim te formes se prere qe ka dhene, por edhe pse jam e prirur te mos besoj ne vendimet e drejtësisë së vjetër të pavetuar, di qe ende nuk eshte zbuluar ne bote ndonje sistem ku vendimi i gjykates, te rrezohet nga bindjet e njerit a te tjetrit – ne qeveri a ne media a ne shoqerine civile. Sidoqoftë, pertej te gjithave, kjo ishte nje dite e shenuar per forcen goditese te lajmit te rreme. I cili mori dhene dhe provokoi reagimin e shume njerezve te mire, qe rane pre e lehtesise se padurueshme me te cilen media ktheu permbys skenen e sotme tek rruga e shkolles Petro Nini Luarasi. Megjithate, dita u mbyll ne lartesine e ambicies sone per shtetin dhe Policine e Shtetit, me largimin e drejtuesit te policise se Tiranes. Jo sepse dikush shkeli ligjin. Aspak. Po sepse sic e shprehu qarte kolegu Sander Lleshi, policia nuk mjafton te jete ne vendin e duhur ligjerisht, po duhet te jete edhe me mendje e zemer ne lartesine e syve te publikut.
