Ministri i Brendshëm Sandër Lleshaj ka zyrtarizuar largimin e Kastriot Skënderaj nga posti i Drejtorit të Drejtorisë Rajonale të Policisë së Tiranës.
Në një postim në Twitter, Lleshaj shkruan: “Vendimi i kreut të Policisë së Shtetit për lirimin nga detyra të drejtuesit të Policisë së Tiranës është reagimi i duhur. Nuk mjafton që Policia të jetë ligjërisht në rregull. Prej saj kërkohet më shumë. Ajo duhet të jetë dhe me mendje e zemër në lartësinë që e kërkon ndjeshmëria dhe interesi i publikut. Jo si sot, tek rruga e shkollës “Petro Nini”!
Prej kohësh, në media është folur për largimin e Kastriot Skënderaj nga drejtimi i DVPT.
Skënderaj është emëruar në krye të Policisë së Tiranës në shkurt të vitit të kaluar.
Përkohësisht, Policisë e Tiranës do ta drejtojë Dhimitraq Ziu, deri në emërimin e drejtuesit të ri.
/Boldnews.al/
