Policia e Ferizajt, ka arrestuar D. Z . ( 22 vjeç) i akuzuar për inskenimin e rrëmbimit të tij me qëllim përfitimin e 200 eurove.
Sipas një njoftimi për media, i dyshuari D.Z me datë 10.3.2019 ishte paraqitur me emër tjetër, ku me anë të një sms-je kishte kërkuar nga motra e tij të dorëzoj 200 euro, duke i thënë se vëllai i saj është rrëmbyer.
Rasti është paraqitur në polici ku menjëherë kanë filluar hetimet lidhur me këtë rast dhe më vonë nga motra e cila kishte paraqitur rastin kemi pranuar informatën se i njëjti është kthyer në shtëpi.
Hetimet e mëtejme kanë rezultuar me deklarimin si dhe pranimin në tërësi të inskenimit të rastit të rrëmbimit nga vet ai.
Me vendim të prokurorit të shtetit i dyshuari dërgohen në mbajtje për 48 orë.
