Një tjetër drejtues i Polcisë së Shtetit po bëhet gati të largohet. Bëhet fjalë për drejtorin e Policisë së Tiranës Kastriot Skënderaj.
Burime konfidenciale i thanë Sosneës se Skënderaj ka hequr të gjitha materialet nga zyra duke ja bërë gati zëvendësuesit të ri i cili pritet të lajmërohet nga drejtori i përgjithshëm i policisë së shtetit Ardi Veliu.
Ishte po Ardi Veliu i cili në shkurt të një viti më parë prezantoi në krye të policisë së kryeqytetit Skënderajn. Pjesë nga njoftimi për shtyp i policisë 16.02.2018
“Veliu ka vlerësuar integritetin dhe profesionalizmin e treguar nga Skënderaj në detyrat e mëparshme dhe shprehu bindjen se edhe në këtë detyrë shumë të rëndësishme do ta përmbushë me sukses.
Drejtori i Pergjithshëm falenderoi efektivët e Drejtorisë Vendore të Policisë Tiranë për përkushtimin që kanë treguar gjatë kohës që ai ishte në krye të Policise Vendore dhe u kerkoi që rezultatet e arritura t’i rritin më tej, nën drejtimin e zotit Skënderaj.”
Skënderaj mban gradën drejtues dhe më herët ka qenë drejtor në drejtorinë e kufirit e migracionit në Tiranë.
Nga ana tjetër priten lëvizje në të gjitha qarqet edhe në nivel zv drejtorësh./ Sosnews.al/
