Këtë të shtunë u protestua dhe në Sarandë.
Qytetarë të mbështetur edhe nga dega lokale e PD-së, kanë dalë në qendër të qytetit dhe kanë kërkuar rrëzimin e qeverisë Rama.
Gjatë protestës, fjalën e ka marrë edhe një ish-mbështetës i kryeministrit Edi Rama, i cili e akuzon si shkatërruesin e ëndrrave të të rinjve shqiptarë.
“Rreth 12 protesta kam ardhur nga e majta. Rama i përzuri katër fëmijët e mi nga Shqipëria. I bëj thirrje shqiptarëve që t’i dalë frika dhe të rikthejmë rininë. Po dialog Edi Rama le të vijë dhe ta bëjë me mua. Unë kam qënë një ndër të parët që e kam mbështetur dhe tani jam opozitari i parë i tij. Të mos rrijmë qyteti i frikur. Ka mbaruar punësimi, ekonomia 0,”-shprehet qytetari.
Qytetarët mbanin në duar pankartat: Shqipëria proteston, Duam punë dhe jo fjalë!
Në Fier u protestua gjatë një takimi që kryeministri kishte organizuar në qytet, ndërsa në këlcyrë u protestua kundër prishjes së dhjetëra shtëpive.
