Një ditë pas helmimit të studenteve të Akademisë së Sigurisë, institucionet vijojnë të qëndrojnë në heshtje, duke mos dhënë asnjë informacion për atë që ndodhi pasditen e djeshme.
Vakti i darkës së të enjtes në akademi, ku serviret pilaf, salsiçe, kos dhe thjerrëza, helmoi një numër të konsiderueshëm studentësh.
Një burim tha një ditë më parë për Boldnews.al se mbi 100 studentë shfaqën shenja helmimi pas ushqimit që konsumuan. Shumë prej tyre përfunduan edhe në spital.
Mensa në akademi për të konsumuar vaktin e fundit të ditës hapet nga ora në 18:30 deri në 20:00. Për shumë studentë, e djeshme ishte si një ditë e zakonshme, dhe në pasditen e vonë shkuan në mensë për të konsumuar darkën.
Megjithatë shpejt filluan të ndiheshin keq pas ushqimit të konsumuar.
Të tjerë, të alarmuar nga ajo ndodhi evituan mensën për të shmangur një fat të njëjtë me atë të kolegëve të tyre. /Boldnews.al/
