Patrik Evra është një personazh në rrjetet sociale. Xherom Rothen e kritikoi francezin kur ky i fundit doli me Pogbanë duke festuar kualifikimin në Ligën e Kampionëve, pikërisht ndaj PSG-së. 37-vjeçari e “sulmoi” Evranë duke thënë se ai nuk ka respekt. Megjithatë Evra iu kundërpërgjigj bujshëm në rrjetet sociale. Ish-mbrojtësi postoi një video të gjatë ku e quan Rothenin ‘një copë m*ti’.
“Sapo të të takoj do të të vë një byrek në gojë dhe mund të thuash oh ai është i dhunshëm, ai përgjigjet me dhunë. Do ta mbyll gojën, do të takohemi. Kemi ngrënë në një pjatë, nuk e prisja nga ti. Je për mëshirë. Nuk janë kërcënime të kota këto, do ta shohim njëri-tjetrin. Mbaj mend kur ‘L’Equipe’ të vlerësoj me notën 5 dhe shokët e ekipit ishin më lart. E thirre gazetarin dhe e pyetje se pse nuk të vlerësoi me 7-të. Je copë m*ti. Ndalo së thëni gjëra të këqija dhe gënjeshtra. Do të kryqëzohemi rrugës, do të pendohesh”, është shprehur i revoltuar Evra.
Ai sqaron edhe rastin. “Videon me Pogbanë e regjistrova pas përfundimit të ndeshjes, duke bërtitur ‘këtu është Mançester’ sepse gjatë gjithë kohës një djalë shikonte nga mua dhe bërtiste ‘këtu është Paris’. Shtypi francez mendon se unë jam armik i shtetit, se jam kundër PSG-së, se mbështes protestat e jelekvedhëve. Nuk është faji im që u eleminua PSG” përfundon Evra.
https://www.youtube.com/watch?v=Ja6R0RnBlHI
