Barcelona ka vazhduar rrugën e qetë drejt titullit të kampionit.
Të besuarit e Valverdes morën një fitore me përmbysje 3-1 përballë Rayo Vallecanos në ndeshjen e vlefshme për javën e 27-të në La Liga.
Golin e parë në këtë takim e shënuan miqtë me anë të Raul de Tomas, që na krijuan iluzionin se do krijonin probleme për skuadrën katalanase.
Barazimi erdhi pas 14 minutave, kur Messi me një harkim të mirë gjeti Gerard Pique, i cili realizoi me kokë.
Në pjesën e dytë, ishte Lionel Messi i cili i dha avantazhin e parë skuadrës së tij, duke realizuar nga pika e bardhë e penalltisë.
Deri në fund, ishte Luis Suarez i cili realizoi edhe një herë, për të vulosur rezultatin final 3-1.
Barcelona me këtë fitore kryeson e qetë me 7 pikë më shumë se Atletico Madrid i vendit të dytë.
