Pas bojkotimit të kampionatit nga Shoqata e Albitrave dhe shtyrjes së kësaj jave, Skënderbeu vendosi të zhvillojë një miqësore ndaj Maliqit ditën e sotme për të mbajtur lojtarët në formë të mirë.
Orges Shehi hodhi nga minuta e parë të gjithë titullarët e ekipit, ndërsa në pjesën e dytë pati zëvendësime të shumta ku një ndër lojtarët që u aktivizua ishte dhe Dejvi Bregu, një rikthim pas më shumë se dy muajsh që prej dëmtimit në miqësoren ndaj Tiranës në muajin janar.
Bardhekuqtë arritën të fitonin me rezultatin 3-0 por përveç rezultatit të pastër ajo që kënaqi më shumë trajnerin durrsak ishte loja e mirë e zhvilluar.
Golat për “Ujqërit e Dëborës” i shënuan kroati Pervan në pjesën e parë, Krasniqi dhe Oto Xhon në pjesën e dytë.
