Deputetja e Partisë Demokratike Rudina Hajdari, i ka bërë bisht pyetjes së gazetarëve nga Shkodra, nëse do vazhdojë ta mbajë mandatin e ligjvënëses në kundërshtim me vendimin e grupit parlamentar të PD-së.
Hajdari u shfaq krah ambasadorit të BE-së, në vendin tonë Luigi Soreca dhe deputetes se PS-së, Eglantina Gjermeni.
Ambasadori ishte në Bashkinë e Vaut të Dejës, nga ku uroi gratë dhe vajzat për 8 Marsin. Ndërkohe që Rudina Hajdari ka theksuar se vetëm kur njerëzit bëhen bashke arrihen qëllimet.
“Duhet të punojmë bashkë në të gjitha fushat për të arritur gjërat elementare. Mos harroni kurrë se ju jeni forca e këtij qyteti, por duke punuar bashkë, duke ngritur zërin si sot, ne nuk do ishim në dijeni të problemeve dhe t’i adresonim ato”, ka thëne ajo.
Ne një prononcim për gazetarët, ka shtuar se do të jetë në krah të grave, në plotësimin e nevojave të tyre.
E pyetur lidhur me mandatin, ajo tha: “Jo, fola si qytetare e Shqipërisë!”.
