Kryetari i opozitës Lulzim Basha, tha se protestat qytetare kanë treguar se sot askush nuk ka më frikë nga Edi Rama.
I ftuar në ‘Zonë e Lirë’, Basha shpjegoi edhe arsyet se përse opozita dogji mandatet, duke thënë se kjo ishte alternativa e fundit dhe bashkë me shqiptarët janë futur në një luftë pa kthim
‘Këtu tek ne është një betejë për jetë a vdekje. Shqiptarët janë ngritur në protesta edhe pa i thirrur nga opozita. Janë ngritur minatorët, studentët, protesta tek Teatri, tek Unaza e Re. Të gjitha protestat që kanë filluar dhe kulmuan në 16 shkurt kanë vrarë frikën. Shqiptarët kuptuan se zot i fateve të tyre nuk mund të jetë dikush tjetër, nuk kanë frikë nga Rama dhe banda e tyre që qeveris. Bëtaja që kemi nisur është shumë e vështirë, por ne besojmë që ka ardhur momenti të pranojmë që po vazhduam kështu ky vend merr fund dhe boshtiset, ose duhet të bëjmë diçka të madhe për të ndryshuar këtë realitet’, deklaroi Basha.
