Nëse më parë njerëzit në moshën 30 dhe 40 vjeç mendonin se si të krijonin familje e të kursenin para për shtëpinë ideale, sot ata mendojnë për udhëtimet.
Këtë ka treguar një studim i fundit i realizuar nga një kompani udhëtimi e njohur si Flash Pack. Sipas këtij studimi, një pjesë e madhe e njerëzve janë shumë më të interesuar për përvojë, eksperiencë të re dhe dëshirë për të vizituar vende me kulturë ndryshe sesa të vrasin mendjen për familjen, të martohen e të kenë fëmijë, gjë që ka ndikuar edhe në nivelet e ulëta të lindshmërisë, pothuajse në të gjithë botën.
Për të realizuar këtë studim u anketuan më shumë se 70% e 3000 pjesëmarrësve anglezë, të cilët thonë se prioritet kryesor kanë udhëtimet në vende të botës. Nga studimi rezulton se numri i karrieristëve që kursejnë para, e bëjnë këtë për të udhëtuar e jo për të blerë një shtëpi.
Deri vonë, martesa dhe lindja e fëmijëve ka qenë qëllimi kryesor i çdo të rrituri, por tashmë duket se kohët kanë ndryshuar, bashkë me të edhe tendencat dhe synimet në jetë.
