Armando Gorezi, të cilit bashkë me të vëllanë iu sekuestruan 13 prona të paluajtshme, rezulton një emër i njohur për drejtësinë.
44-vjeçari u arrestua në vitin 2015 në Tiranë pasi ndaj tij rendonte një urdhër-arresti i lëshuar nga autoritet italiane për një vrasje të ndodhur në Torino. Ai u akuzua për ekzekutimin e Indrit Kuçit në vitin 2011. Sipas hetimeve të kryera në shtetin italian, u pretendua se Kuçi u ekzekutuar nga Gorezi në gusht të vitit 2011 me 6 plumba pistolete, për shkak të prishjës së pazareve për tregun e drogës dhe prostitucionit. Ai është hetuar edhe nga prokuroria e Beratit për shfrytëzim prostitucioni.
“Më datë 14.02.2015, në rrugën e ‘Elbasanit’ në qytetin e Tiranës, gjatë një operacioni të zhvilluar nga Forcat Operacionale të Drejtorisë së Përgjithshme të Policisë së Shtetit, në bashkëpunim me Specialistët e Interpol Tirana dhe Specialisët e Seksionit Kundër Krimeve ndaj Jetës në Drejtorinë e Policisë së Qarkut Tiranë, u mundësua ndalimi i shtetasit në kërkim ndërkombëtar: Armando Gorezi, 40 vjeç, banues në Tiranë. Kapja e këtij shtetasi, u bë pasi: Gjykata e Torinos, Itali, ka lëshuar urdhër arrestin Nr. 5364/12RGNR- 24320/13 RG GIP, datë 06.05.2014, për veprën penale të ‘Vrasjes’, parashikuar nga nenet 575 e 577 të Kodit Penal Italian. Gjithashtu në ngarkim të këtij shtetasi, Prokuroria e Rrethit Gjyqësor Berat, ka rinisur procedimin penal për veprën penale të ‘Trafikimit të personave’, pasi dyshohet se ky shtetas, ka trafikuar shtetasen E.K. e cila është shpallur në kërkim ndërkombëtarë nga Interpol Tirana, si person i humbur”, njoftoi asokohe Policia e Shtetit.
Por, shkalla e dytë e drejtësisë italiane i dha lirinë 44-vjeçarit.
Armando Gorezi, i dënuar me 12 vjet burg për vrasjen e shqiptarit Idrit Kuçi në Itali në vitin 2011, është liruar nga të gjitha akuzat nga Apeli italian, në vitin 2017.
Gorezi ishte dënuar në mungesë në vitin 2011 dhe u kap në 2015 në Shqipëri e më pas ekstradua.
Por, Apeli italian e liroi suke vlerësuar se nuk ka prova që të provojnë pafajësinë e tij.
/Boldenws.al/
