Një adoleshente e cila sapo kishte filluar të ecte pas një çrregullimi të rrallë neurologjik, është paralizuar për herë të dytë pasi u përfshi në një aksident automobilistik sapo kishte dalë nga seanca e fundit e fizioterapisë. Jade Almond 16 vjeç ndoqi një program 7-mujor rehabilitimi pasi një goditje e fortë në kokë i kishte shkaktuar çrregullime neurologjike dhe i kishte kufizuar aftësinë për të ecur.
Vullneti dhe këmbëngulja e saj bënë që 3 javë më parë ajo të ngrihej sërish në këmbë. Por atë natë, teksa po udhëtonte me makinë së bashku me të ëmën, motrën dhe dy shoqe të saj, automjeti doli nga rruga pasi evitoi përplasjen me një makinë tjetër. Përplasja dhe një frakturë në kokë i shkaktoi adoleshentes çrregullimin e mëparshëm, duke e lënë të paralizuar, madje në gjendje më të përkeqësuar.
Familja e vajzës pretendon se shoferja e makinës së dytë ishte e pavëmendshme në timon, pasi ishte përkulur për të marrë disa kokoshka. Tashmë Jade përballet me një tjetër proces të vështirë rehabilitimi dhe që do të kushtojë mijëra Paund.
