Autori i cili goditi mjekun Zef Doda brenda ambienteve të spitalit të Lezhës, i cili pësoi fraktura në fytyrë, është vetëdorëzuar në Komisariatin e Policisë.
Autori është Eduart Lleshi, 24 vjeç.
Ai ka deklaruar në polici se kishte debatuar me mjekun dhe pas kësaj e kishte qëlluar me grusht, pasi sipas tij nuk po i shërbente.
“Debatova me të dhe e kam qëlluar me grushte. Nuk po më shërbente, ishte në gjendje të dehur”, ka thënë Lleshi.
Kujtojmë se mjeku Zef Deda, për shkak të plagëve të marra është dërguar me urgjencë drejt spitalit të Traumës. Sipas burimeve, nga goditjet që ka marrë nga Eduart Lleshi, i afërmi i një pacienti, ka pësuar dëmtime të rënda.
Ngjarja në fjalë fjalë është dënuar nga kolegët e mjekut të dhunuar si edhe nga drejtori i spitalit duke kërkuar që autori të marrë ndëshkimin e duhur dhe se ngjarje të tilla nuk duhet të ndodhin më.
Sakaq mbrëmë është dhunuar në Urgjencën Kirurgjikale në QSUT edhe mjekja specializante V.Zyka.
