Ka përfunduar takimi i kryeopozitarit Lulzim Basha me Christian Danielsson, Drejtori i Përgjithshëm për Politikat Europiane e Fqinjësi dhe Negocimet e Zgjerimit, në ambasadën e BE-së në Tiranë. Pas takimit, në një prononcim për mediat Basha tha se u fol “për vizonin tonë për të nesërmen”.
“Opozita sot ka pasur një mundësi tjetër jo thjesht dhe vetëm për të shprehur vendosmërinë e saj për ti qëndruar kësaj beteje por kemi shprehur dhe vendosmërinë tonë që jo thjesht të largohet Rama por të shembet ky sistem. Për të ndërtuar një sistem vlerash europiane në vend”, deklaroi kryeopozitari.
Basha tha se opozita e konsideron regjimin e opozitës të mbaruar, një kufomë që pret të kallet.
“Formula e zgjidhjes është kjo: Regjimi i Edi Ramës ka mbaruar, shqiptarët e kanë përcaktuar rrugën ku do të ecin”.
“Na duhet të shembim këtë sistem, edhe disa probleme që zhbalancuan balancën e pushteteve me qëllimin e mirë për të larguar të inkriminuarit nga parlamenti, por që në vitin 2013 u shënua numri më lartë”, tha Basha.
Basha shoqërohej nga kryetarja e LSI-së Monika Kryemadhi.
