“Njëqind vjet vetmi” e Gabriel García Márquez, që u botua në vitin 1967 dhe më pas u bë pjesë e kanonit letrar, së shpejti do të trajtohet ndryshe. Për herë të parë pas 52 vitesh, familja e shkrimtarit lejon që “100 vjet vetmi” të përshtatet për ekranin.
Komania njoftoi se kanë tashmë të drejtën ekskluzive të librit – që tregon historinë e familjes Buendía, e cila jeton në një qytet imagjinar të quajtur Macondo –dhe xhirimet do të realizohen pothuajse tërësisht në Kolumbi.
2 djemtë e Márquez, Rodrigo Garcia and Gonzalo García, do të shërbejnë se producentë ekzekutivë.
“Për vite me radhë, babai ynë nguroi t’i shiste të drejtat e librit pasi besonte se realizimi do të ishte i kufizuar dhe prodhimi në një gjuhë tjetër përveç spanjishtes, do të ishte e padrejtë,” tha Rodrigo Garcia në një deklaratë.
Megjithatë, ai shtoi:
“Në epokën e tanishme, me nivelin e shkrimit dhe regjisë, cilësia e projekteve kinematografike ka ndryshuar”.
Nga ana tjetër, Netflix ka pasur sukses me disa prodhime në gjuhën spanjolle, si “Roma” që fitoi 3 çmime Oscars, apo “Narcos”, serial mbi historinë e Pablo Escobar.
“100 vjet vetmi” i përket letërsisë së realizmit magjik dhe është një ndër veprat themelore të Amerikës Latine të shekullit XX. Duke filluar me më të vjetrin José Arcadio, libri është një histori e gjallë për jetën dhe vdekjen, që vjen përmes historisë së shtatë gjeneratave të familjes Buendía, përgjatë një shekulli.
Që prej vitit 1967, “100 vjet vetmi” është shitur në 50 milionë kopje në mbarë botën dhe është përkthyer në 46 gjuhë. Në shqip, vepra është sjellë nga Robert Shvarc. Autori, fitues i çmimit Nobel, u nda nga jeta në vitin 2014, në moshën 87-vjeçare.
