Kryeministri Edi Rama e ka paraqitur vetën në rolin e një heroi.
Përmes një postimi në Twitter, kreu i qeverisë shprehet se po kthehet në Tiranë, pasi pastroi sa mundej baltën ndaj Shqipërisë që i ka hedhur opozita ndërkombëtarisht.
“Për Tiranë pas 24h në Romë, tv më tv e gazetë më gazetë, për të pastruar sa mundej baltën e ziftin që lidershipi qorr i opozitës sonë, i hodhi ndërkombëtarisht Shqipërisë! Ata nxisin dhunë për hesapin e tyre krejt vetjak, po faturën e paguan vendi dhe ekonomia #HumbësaPaDinjitet”, shkruan Rama.
Të martën, kur qytetarët protestonin në Tiranë, Rama ndodhej në Itali, duke dhënë një sërë intervistash për mediat e vendit fqinjë. Intervista gjatë së cilave, kreu i qeverisë është angazhuar të shpërndaje mashtrimin propagandistik se Shqipëria është një vend i begatë.
/Boldnews.al/
