Që Sali Berisha është idhulli i Edi Ramës, kjo dihet nga të gjithë, por që të arrinte deri në atë pikë sa të mendojë se është vetë Sali Berisha, kjo është çmenduri.
Edi Rama, që prej vitit 2005-së është munduar që në politikë të imitojë ish-kryeministrin Sali Berisha, edhe pse vetë bashkëpunëtorët e tij kanë arritur në përfundimin se kryeministri është një kopje e shëmtuar e paraardhësit të tij.
Ndërkohë që Berisha ka deklaruar disa herë në media se Edi Rama vuan nga çrregullimet mendore, ku shpesh pacienti shfaq shenjat e personalitetit të dyfishtë, duke menduar se është dikush tjetër.
Rama tashmë ka filluar të shfaqë hapur këtë ‘sëmundje’, duke menduar se është Sali Berisha. Sëfundmi Rama ka hapur dhe një profil në rrjete sociale duke folur në emër të ish-kryeministrit, madje këtë lajthitje të tij tenton ta shesë para shqiptarëve si një ide gjeniale. /Boldnews.
