Porto ka përmbysur disavantazhin 2-1 të ndeshjes së parë në Romë duke fituar 3-1 pas 120 kohës shtesë në Portugali.
Ishte një ndeshje e luftuar dhe me shumë episode, por në fund ishin vendasit ata që triumfuan.
Soares kaloi të tijtë në avantazh në minutën e 26’ përpara se De Rossi të barazonte nga pika e bardhë.
Pas pushimit, Marega kalon vendasit përsëri në avantazh në minutën e 52’. Rezultati mbeti i pandryshuar deri në fund dhe duhet të luhej koha shtesë për të kuptuar se cila skuadër do të avanconte.
Roma shpërdoroi disa mundësi të mira gjatë shtesës, dhe ishte Telles ai që nuk fali nga penalltia për vendasit në minutën e 117’.
Ai ishte goli vendimtar i takimit pasi nuk kishte më kohë italianët të reagonin.
