Nga Boldnews.al
Urdhri politik mposht gjithnjë atë policor, të paktën për aq kohë sa në pushtet është Edi Rama, që çdo institucion e ka tërësisht në varësi të tij, qofshin ato edhe “të pavarura” në letra. Që nuk do të kishte gaz lotsjellës mbi protestuesit e opozitës, këtë e lajmëroi dje kryeministri Edi Rama dhe Ministri i Brendshëm Sandër Lleshaj. Në protestën e sotme, policët shtrënguan dhëmbët dhe nuk rendën për të shpërthyer armatën e madhe të gazit lotsjellës.
Arsyeja? I kishin helmuar mjaftueshëm qytetarët në protestën e parafundit para Parlamentit kur shpërtheu histeria e koktejeve me gaz lotsjellës. Aq shumë u përdorën bombat me gaz, sa për të paktën dy orë një pjesë e mirë e Tiranës u mbulua nga helmatisja e përkohëshme.
Padyshim që dhembshuria e Ramës për qytetarët nuk është shkaku që u zmbraps nga ideja e çmenduar, por si kryeministër “virtual”, që qeveris nëpërmjet rrjeteve sociale, pa mijëra reagime të forta të pupullsisë së Tiranës, që dënonin ashpër përdorimin e gazit lotsjellës.
Kjo nxiti edhe qëndrimin e eskpertëve të cilët ngritën alarmin e madh se përdorimi në masë i bombave me gaz lotsjellës, për më shumë prodhim serb, i dalë nga fabrikat e “Zastavës”, ishte në përqindje shumë të lartë të lëndëve helmuese dhe shkaktonte dëme serioze në shëndetin e qytetarëve të pambrojtur.
Mësohet se Rama, i ndodhur nën bombardimin reagues të qytetarëve me meme dhe revoltë në rrjetet sociale, i kërkoi në formë urdhi ministrit të Brendshëm Sandër Lleshaj që të mos përdorte më gaz lotsjellës mbi protestuesit. Të paktën jo në masë të madhe, aq sa po krijohej ideja se ishim para një beteje të frikshme.
Po kush do mbajë përgjegjësi për atë masivitet bombash që për të paktën dy orë zunë frymën e protestuesve dhe qytetarëve të thjesht që kalonin rastësisht pranë Parlamentit? Askush nga punonjësit e Policisë së Shtetit dhe Gardës së Republikës nuk do të procedohet.
Edhe ata janë në varësi të urdhrave kryeministrore. Kur ai jep urdhër të hidhen bomba, ato do hidhen, kur “komandati” vendos “tërheqjen” ushtarët e bindur zbatojë verdiktin e kryeqeveritarit…
