Pas rritjes së ditëve të fundi, paundi britanik ka shënuar rënie të ndjeshme për të dytën ditë radhazi. Këtë të martë, valuta britanike u nënçmua me gati 1 pikë në krahasim me një ditë më parë. Rënie me 0.31 pikë ka pësuar edhe monedha europiane.
Sipas kursit zyrtarë të Bankës së Shqipërisë, këtë të martë, Leku shënoi rritje ndaj të gjitha valutave kryesore të huaja.
Paundi u nënçmua me 0.81 pikë në krahasim me dje, duke u këmbyer me 144.83 lekë. Euro u këmbye me 124.61 lekë, me një nënçmim prej 0.31 pikësh. Rënie me 1.15 pikë pësoi dollari amerikan, që u këmbye sot me 109.95 lekë. /Boldnews.al/
