Nis zbatimi i planit të masave pak orë para protestës së paralajmëruar nga opozita e bashkuar, para godinës së parlamentit.
Policia po vë në zbatim një plan të rreptë masash duke zbarkuar pranë godinës parlamentare rreth 800 efektivë policie. Në gatishmëri janë vënë forcat Shqiponja, FNSH djhe Garda e Republikës, ndërsa zona e pedonales është bllokuar me skela për të mos lejuar asnjë protestues.
Ndërkohë, në mbrëmje policia rrethoi godinën edhe me kordon hekuri, si vijë ndalimi për të mos lejuar kalimin e protestuesve pranë Parlamentit.
Opozita, ashtu siç ka paralajmëruar, proteston sa herë ka seancë plenare dhe kërkon largimin e kryeministrit Rama e krijimin e një qeverie tranzitore, për zgjedhje të lira e të ndershme, pas aktit unanim për ‘djegien’ e mandateve.
