Teksa Ajaksi po shpartallonte Realin e Madridit brenda në “Santiago Bernabeu”, kapiteni Serxhio Ramos, i ndëshkuar qëllimisht me karton të verdhë në ndeshjen e parë, duke e menduar kualifikimin në “xhep”, qëndronte në tribunën VIP.
Me qëllimin për të pushuar këtë takim, e për të qenë i pastër me kartona në çerekfinale, kapiteni mori një të verdhë ndeshjen e parë. Ndërkohë, disa kamera nga Amazon, po e filmonin për një dokumentar që po zhvillohet në lidhje me të.
Gjithsesi, në fund të pjesës së parë, ai shkoi në dhomat e zhveshjeve për të inkurajuar ekipin, që po mundej 0-2. Një gafë e tij, që la ekipin të mundej, teksa e mendoi gjithçka të mbyllur që në Amsterdam.
