Në një reagim thuajse motamo me atë të Knut Fleckenstein, Kryetarja e Delegacionit të PE në Komisionin Parlamentar të Stabilizim-Asociimit BE-Shqipëri shprehet se, Shqipëria është një vend që ka bërë përparime të mëdha.
Monica Macovei, në një reagim lidhur me situatën politike në Shqipëri, mbështet fuqishëm qeverinë dhe dënon sjelljes e opozitës, që ka zgjedhur bojkotin e parlamentit dhe rrugën e protestën, si një zgjidhje për ti siguruar vendit një qeveri larg nga kthetrat e krimit.
Në reagimin e saj, që vjen vetëm pak ditë nga ai i Knut Fleckenstein nga Tirana në deklaratën për mediat me grupin e komisionit të jashtëm të PE-së që vizitoi Tiranën, Macovei shprehet mes të tjerash: “Në cilësinë e Kryetarit të Delegacionit të PE në Komisionin Parlamentar të Stabilizim Asociimit BE-Shqipëri, unë besoj fuqishëm se Shqipëria po përparon drejt pranimit në BE dhe zbatimin e axhendës së reformave të BE. Unë besoj se qeveria e tanishme është në rrugën e duhur në transformimin e sistemit të drejtësisë në vend. Reforma e drejtësisë ka prodhuar rezultate të prekshme në luftën kundër korrupsionit dhe krimit të organizuar”.
Macovei, ashtu si Fleckenstein ka lidhjet të forta me mazhorancën në Shqipëri. Ajo njohët botërisht si mike e Taulant Ballës, kryetarit të grupit parlamentar të PS-së, njëkohësisht bashkë-kryetar me Macovei, në Komitetit Parlamentar të Stabilizim-Asocijimit BE-Shqipëri. Një tjetër urë mes tyre është se Macovei është nga Rumania, vendi ku Balla ka kryer edhe studimet e larta.
Monica Macovei njihet edhe si ithtare e manjatit Gorge Soros, i cili akuzohet se mbështet fuqishëm kryeministrit Edi Rama dhe individë të pushtetshëm brenda të majtës në vend.
E diplomuar në institutin Open “Society Foundations” të financuar nga Gorge Soros, gjatë periudhës që mbante postin e ministres së Drejtësisë në Rumani, ajo është akuzuar si zyrtare që përdorte metoda staliniste. Gjatë kohës që mbante këtë post, gazeta konservatore “Ziua” analizoi se ajo ishte “ndoshta ministrja më shkatërruese që Rumania ka pasur ndonjëherë.” Udhëheqësi i pakicës në koalicionin qeverisës të Basescu referoi taktikat e saj si “antikushtetuese” dhe “staliniste”. /Boldnews.al/
Lexo edhe: Ah Europë, na fal…, nuk e dinim që ishim të lumtur!
