Prokuroria ka dhënë pretencën sot ndaj të autorëve të vrasjes së Marvi Mihalit, ngjarje e ndodhur pranë stadiumit Dinamo, më 31 korrik të 2017.
Kështu, prokuroria kërkoi 87 vjet burg për 4 të arrestuarit.
Kështu prokuroria kërkoi dënimin e Dejvi Bitraj me 24 vjet burg, Marsel Alla 20 vjet burg, Kridens Alla 25 vjet burg dhe Eugen Bitraj 18 vjet burg.
Krimi i rëndë ndodhi pas një sherri për një karikues telefoni, ndërsa nga videot e publikuara, ka rezultuar se Marvi Mihali, është sulmuar egërsisht nga grupi i të rinjve, megjithëse viktima nuk ka sulmuar askënd më parë.
Sipas prokurorisë, autori i ngjarjes është Dejvi Bitraj, ndërsa 3 të pandehurit e tjerë, kanë qenë bashkëpunëtor.
Ndërkohë, gjatë seancës së sotme, prokuroria dha edhe vlerësime të saj mbi veprimet e autorëve të dyshuar, duke i konsideruar të papranueshme.
Gjithashtu, edhe për personin që nisi sherrin, prokuroria e konsideroi një veprim të papërgjegjshëm, që solli pasojë të rëndë.
