Tre persona janë vënë në pranga në Shkodër, pasi akuzohen si autorë të vjedhjes së mbi 1 mln lekëve të vjetra dhe disa bizhuteri në një banesë.
“Nga strukturat e Komisariatit të Policisë Shkodër, në bashkëpunim me Prokurorinë e Rrethit Gjyqësor Shkodër, pas një pune operative hetimore intensive, u bë ndalimi i shtetasve ; B.F., 30 vjeç, F. S, 29 vjeç, dhe M.Q, 58 vjeç, të tre banues në Shkodër. Ndalimi i tyre u bë pasi në bashkëpunim me njëri-tjetrin më datë 02.03.2019, dyshohet se kanë vjedhur me thyerje banesën e një 60-vjeçari, banues ne lagjen ‘Vasil Shanto’, ku janë vjedhur një sasi të konsiderueshme lekësh dhe disa bizhuteri floriri”, njofton Policia e Shkodrës.
Të njëjtat burime shtojmë se vijojnë hetimet për këtë grup pasi dyshohet se kanë kryer edhe vjedhje të tjera banesash në qytetin e Shkodrës.
Materialet iu referuan Prokurorisë së Rrethit Gjyqësor Shkodër për veprën penale “Vjedhja e kryer në bashkëpunim”, njoftoi Policia. /Boldnews.al/
