Përditësuar (ora 19:00)/ Mbyllet protesta te “Unaza e Re”. Banorët kanë paralajmëruar pjesëmarrjen në protestën e nesërme para parlamentit të thirrur nga opozita.
***
Ka nisur protesta te Unaza e Re në kryeqytet pasditen e sotme. Banorët kërkojnë rrëzimin e projektit të rrugës nga sheshi “Shqiponja” te mbikalimi pranë “pallatit me shigjeta”, që parashikojnë shembjen e banesave të tyre. Banorët e cilësojnë projektin korruptiv.
Në korr, banorët kërkuan largimin e Edi Ramës nga drejtimi i qeverisë.
“Kemi një Evropë që na mashtron dhe një qeveri të krimit, mos mbani shpresa te Evropa. Ato janë të korruptum saç janë këto në Shqipëri”, u tha gjithashtu nga mikrofoni i protestës.
Akuza u hodhën edhe ndaj kryebashkiakut të Tiranës Erion Veliaj.
Deputetë të opozitës mbështetën protestën.
Deputeti demokrat Klevis Balliu u shpreh se ngjarja në Vlorë, dëshmoi edhe njëherë se qeveria është e kapur nga krimi.
“Merret peng kryebashkiaku i bashkisë Vlorë se i ka dhënë tender një bandë dhe mërzitet një bandë. Çfarë lloj shteti është ky”!
“Në cilin shtetit përdoret ushtrua në shtet diktatorësh”, shtoi ai.
Balliu u bëri thirrje qytetarëve për pjesëmarrje në protestën e nesërme para parlamentit, të thirrur nga opozita. /Boldnews.al/
