Shkon në 22 numri i personave që humbën jetën për shkak të tornadove që goditën Alabaman këtë të dielë. Sherifi i Lee County në një deklarat për CNN, përditësoi shifrat nga 14 viktima në 22 duke u shprehur se numri i viktimave mund të rritet sërish.
Sipas Sherif Jay Jones, të paktën 12 prej këtyre vdekjeve ndodhën në një zonë rreth 5 deri 6 milje në jug të qytetit të Opelika dhe se ndërmjet viktimave kishte edhe fëmijë. Dëmet materiale janë të pallogaritëshme, ku si pasojë kanë mbetur të shkatërruara dhjetra shtëpi, shkolla dhe qëndra strehimi.
Xhons në komunikatën e tij, i përshkroi dëmet masive të lëna nga tornado “sikur dikush të kishte marrë një thikë dhe vetëm gërrvishtëte tokën”. Sipas meterologëve, dy prej tornadove që kanë goditur Alabamën kanë ndodhur në një hapsirë kohore prej një ore. Sipas Shërbimit Kombëtar të Motit, të paktën një duzinë tornadash goditën Alabaman dhe Xhorxhian këtë të dielë pasdite.
