E veshur me të zeza, me dhimbjen që ia lexon lehtë në sy, shkrimtarja e njohur Flutira Açka zgjodhi programin “A Show” në News 24 për të folur për herë të parë publikisht për humbjen e të birit, 17-vjeçar. Me zërin që i dridhet ajo pranoi se ka kaluar apokalips në jetën e saj.
“Shkrimtare apo nënë e zakonshme fëmija është fëmijë. Sa është i vogël ai përpiqet t’i ngjajë nënës, prindit. Unë jam në një zgrip të tillë që dua t’i ngjaj tim biri. Jam në këtë fazë që të jem unë e denjë për të. Dikur mendonte të ishte ai, sot jam unë. Mbas atij apokalispi të madh kam bërë gati varkën e Noes, kam futur aty vetëm kujtime”.
