Kreu i opozitës Lulzim Basha, ka deklaruar mbrëmjen e sotme se Edi Rama nuk është e keqe vetëm për opozitën dhe shqiptarët por dhe për vetë Partinë Socialiste.
Ai tha se PS është marrë peng nga Rama dhe krimi, prandaj socialistët e ndershëm duhet të dalin kundër tij dhe të çojnë vendin në zgjedhje të parakohshme.
‘Çdo situatë me Ramën në krye të qeverisë është e paqëndrueshme dhe nuk zgjidh asgjë. Pra nuk mund të imponohet Rama në këtë situatë ku ndodhet vendi. Largimi i tij është vetëm çështje kohe. Nuk dua sikur dua të bëj diversion, por problemi i shkrirjes së interesave politike me interesa kriminale nuk është vetëm problem i opozitës por edhe i vetë socialistëve. Prandaj ftesa jonë për PS është që të krijojmë një qeveri të palidhur me krimin, pa Edi Ramën kryeministër. Në fund do të jetë populli që do të vendosë se kush vjen në pushtet, këtë duam dhe duhet të ndërtojmë edhe ne, standardet e Europës’, u shpreh Basha.
