I ftuar në studion e Syri.net, ish-deputeti dhe kryetari i LZHK-së Dashamir Shehi ka komentuar zhvillimet e fundit politike në vend.
Sipas tij, opozita duhet të dorëzonte mandatet më herët, por më mirë vonë se kurrë, mendon kreu i LZHK-së.
‘Unë e kam gjykuar që ne duhet të kishim ikur më parë e të mos ktheheshim në parlament.
Do i kishte dhënë më seriozitet. Por më mirë vonë se kurrë. Na ka dhënë një status moral.
Unë jam krenar për përgjegjësinë që kam aty’, është shprehur Shehi.
I pyetur nga moderatori Alen Xhelili nëse, qeveria teknike i jep zgjidhje ngërçit politik, Shehi shprehet:
‘Nuk i kemi vënë emrin teknike, por transitore. Komponenti politik duhet ta ketë më të fortë se të parët. Me disa burra të mençur për të bërë disa reforma të rëndësishme për këtë vend’.
