Myftiu i Tiranës Ylli Gura, i cili u renditet i dyti në zgjedhjet për kreun e KMSH-së, ka lidhje të forta me mazhorancën.
Myftiu Gura dhe kryebashkiaku i Tiranës Erion Veliaj, janë shfaqur bashke në shumë aktivitete. Aktivitete, të cilat janë realizuar me kujdes nga zyra e PR e kryebashkiakut të Tiranës, për ta paraqitur atë si drejtues të angazhuar në ndihmë të shtresave në nevojë dhe të lidhur me fenë myslimane, që përbën edhe pjesën më të madhe të besimit jo vetëm në kryeqytet, por gjithë Shqipërinë.
Përveç Erion Veliajt, Ylli Gura ka lidhje të forta edhe me zyrtarë të tjerë të Partisë Socialiste, si patriotin Taulant Balla, kryetari i grupit parlamentar të PS-së.
Një ditë para votimit, nga gara u tërhoq Skënder Bruçaj, duke mos garuar për një mandat të dytë 5-vjeçar. Lëvizja që u denoncua nga opozita si një përpjekje për ti hapur rrugë kapjes së KMSH-së, duke zgjedhur si kryetar Ylli Gurën, me lidhje të forta politike me mazhorancën.
Por, duket se anëtarët e Këshillit të Përgjithshëm të Komunitetit Mysliman votuan me ndërgjegje duke mos lejuar kapjen e KMSH-së nga mazhoranca.
Megjithatë, edhe pse nuk arriti të zgjidhej fitues, Ylli Gura mbetet një emisar i “Rilindjes” në KMSH. Rasti i tij tregon që “Rilindja” nuk lë vend pa ndërhyrë dhe kërkon të kontrollojë gjithë jetën e vendit duke krijuar kështu një sistem totalitar. Ketë e bën nevoja propagandistike dhe për të influencuar dhe vjedhur vota. /Boldnews.al/
