Gjykata e Vlorës ka lënë nën masën e sigurimit personal arrest me burg Vangjel Kapllanin, adoleshentin i cili vrau gjyshin në Vlorë, dy ditë më parë.
Gjykata vendosi gjithashtu masën ‘arrest me burg’ ndaj 28-vjeçarit me iniciale M. A. Ndërsa ndaj dy të miturve me iniciale L.M., 16 vjeç dhe F. Xh., 17 vjeç është vendosur masa e sigurisë ‘detyrim paraqitje’. Të tre akuzohen se i kanë shitur armën 17-vjeçarit.
17-vjeçari mbërriti në gjykatë mëngjesin e së shtunës (2 janar), së bashku me tre të arrestuarit e tjerë që dyshohet se janë të lidhur me ngjarjen.
Adoleshenti akuzohet për veprat penale “Vrasje për shkak të marrëdhënieve familjare” dhe ‘Armëmbajtje pa leje’.
Nipi vrau me plumb në kokë gjyshin 69-vjeçar në Vlorë por tentoi ta fshihte si grabitje. Viktima dhe autori mbajnë emrin Vangjel Kapllani, por adoleshenti njihet edhe me emrin Anxhelo. Ata jetonin bashkë prej vitit 2004, kohë kur adoleshentit i vdiqën në aksident prindërit në Greqi. Adoleshenti gjatë dëshmisë së tij ka thënë se ka pasur konflikte me 69-vjeçarin që pas vdekjes së gjyshes.
“Më gjej një pistoletë me silenciator”/ Mesazhet që zbuluan vrasjen në Vlorë
