Policia e Tiranë ka arrestuar autorin e vendosjes së lëndës plasëse në një banesë në rrugën “Mihal Popi”, përballë Gjykatës së Tiranës, mbrëmjen e të enjtes në Tiranë.
Policia ka vënë në pranga shtetasin Arben Bardhi, 58 vjeç, banues në Tiranë, i cili, sipas Policisë, mbrëmë rreth orës 21:10, dyshohet të ketë vendosur në derën e jashtme të banesës të shtetasit Vasillaq Stavro një sasi lënde plasëse.
Arsyeja e sulmit mendohet të jetë një konflikt pronësie mes të dyve. Fatmirësisht nga shpërthimi nuk pati persona të lënduar, por vetëm dëme materiale.
Kamera të sigurisë mësohet se kanë ndihmuar hetuesit në zbulimin e autorit.
